Mere dil mere musafir
Mere dil mere musafir
hua phir se hukm sadir
ke watan badar huN hum tum
dieN gali gali sadaayeN
karieN rukh nagar nagarka
ke suraag paayeN
kisi yaar e naama bar ka
har ajnabi se puuchieN
jo pata tha apny ghar ka
sar e ku.e.naashna yaaN
hamieN din se raat karna
kabhi iss se baat karna
kabhi uss se baat karna
tumhieN kya kahooN ke kya hy
shab e gham buribala hy
hamieN ye bhi tha ghaneemat
jo koi shumaar hota
hamieN kya bura tha marna
agar ek baar hota!

Mera dard naghma e be sadaa
Mera dard naghma e be sadaa
meri zaat zarra e be.nishaaN
mere dard ko jo zubaN mily
mujhy apna naam o nishaaN mily
miri zaat ka jo nishaaN mily
mujhy raaz e nazm.e jahaaN mily
jo mujhy ye raaz e nihaaN mily
meri kahmushi ko bayaN mily
mujhy kainat ki sarwari
mujhy doalat e do jahaaN milay!

== Geet ==
Jalney lagien yaadon ki chitaayen
aao koi bait banaayen
inki rah takty jugg beetay
chahay wo aayen ya nahien aayen
aankhen moond ke nit pal dekien
aankhon mien unki perchhaayen
apne dardon ka mukt pehn kar
bedardon ke saam.ne jaayen
jab rona aaye muskaayen
jab dil tuutay deep jalaayen
prem katha ka ant na koi
kitni baar issay duhraayen
prem ki reet anoki saajan
kuch nahi maangien
sab kuch paayen
FAIZ un se kya baat chhupi hy
hum kuchh kah kar kyun pachhtaayen!

Dil ki baat labo'n par la kar ab tak hum dukh sehtay hai'n
Hum nay suna tha iss basti mei'n dil waalay bhi rehtay hai'n
Beet gaya saawan ka maheena mausam ne nazarei'n badlee
Lekin inn pyaari aankho'n say ab tak aansoo behtay hai'n
Ik hummei'n awaara kehna koi bada ilzaam nahi'n
Duniya waalay dil waalo'n ko aur bohat kuch kehtay hain
Jis ki khatir shehar bhi chhorah, jin ke liye badnaam hue
Aaj wohi hum say be'gaane be'gaane say rehtay hain....!!