Kom ons kyk gou bietjie terug na die afgelope jaar. Toe ons so besig was. Wat kan ons daarvoor wys? Is alles op datum? Aai tog!! Is ons nie maar soms so bietjie pateties nie!! Weet jy wat gebeur met hierdie oordrewe besig wees? Ons verwoes onsself!! Ons begin hartsiektes ontwikkel, en kry beroertes, as gevolg van stress!!

Ons liggame gaan agteruit, kry vreeslike plooie, gebruik al hoe meer medikasie, hardloop van bakboord na stuurboord, hol rond vir werk, jaag agter die kinders aan, werk, werk, werk, skeep ons vriende en familie af, rus niks meer nie. En eventueel, verbind ons woordeskat na drie woorde - Ek is besig.

Dis die een kant van die saak. Daar is nog 'n kant. Mense wat net beweer hulle is besig!! Statussimbool. Het 'n vriend gehad. Sy ma was altyd moeg van besig wees. Moeg gewerk, moeg ge-alles!! Maar ek kon nooit sien waarvan nie!! Shame. Se iemand nou die dag ook vir my hulle is so verskriklik besig - aai - die man jammer gekry, totdat hy probeer verduidelik waarmee.

Amper gelag. Jy sien, party mense is regtig besig, en ander se regtig hulle is besig. Niks tyd nie!! Meer besig as ander mense! Wat heeldag rondsit en niks doen nie.

Besig wees. Was dit God se plan? Kom ons kyk wat het Hy gedoen!

Genesis 2 : 1 - 3 Die hemel en alles daarin is voltooi en ook die aarde en alles daarop. 2 Op die sewende dag was God reeds klaar met die skeppingswerk en het Hy gerus na al die werk wat Hy gedoen het. 3 Hy het die sewende dag as gereelde rusdag geheilig, want op daardie dag het Hy gerus na al die skeppingswerk wat Hy gedoen het.

Jy sien, God het in die skepping voorsiening gemaak vir 'n ritme wat maak dat die mens beskerm word teen homself. Hierdie oordrewe gejaag is nie deel van Sy plan nie. Maar ons? Ons word so taakgedrewe, dat alles anders daarvoor moet plek maak. Ons word horlosie en sirene mense, hardlopers, skarrelaars, haastig afsluk-mense, maak-gou-mense, ons-is-laat-mense. Kitskos, kitsoplossings, kits stiltetyd (al gehoor van die een minuut stiltetyd boekies?) Kry tot 'n boek - die 10 dae MBA-graad.

Ons rekenaars moet nog vinniger, shortcuts op die selfoon. Weet jy wat die wereld vir jou vertel? Koop hierdie en hierdie, dan het jy meer tyd vir jou geliefdes!! Twak man!! En dit maak van ons:-