Wat noem die Bybel hom? Die aanklaer, die bose, die god van hierdie wereld, dier uit die see, dier uit die aarde, draak, duiwel, moordenaar, owerste van hierdie wereld, slang van ouds, vader van die leuen, verleier, versoeker, vors van hierdie wereld, vors van onsigbare magte. Sy naam? Satan. Lelike naam, vloekwoord, verskrikking! Vyand nommer 1. Nou ja, ek hou nie daarvan om oor hom te praat nie, ek verwys selde na hom, eks nie bang vir hom nie, en verkies om geensins eer aan hom te gee nie.

Wel, so sleg as wat die kalant is, verkies ek gewoonlik om my te distansieer van praatjies waar hy die skuld gegee word vir alles wat sleg is. Die volgende hoor mens gereeld: Satan het my sonde laat doen; hy het my gekeer om dit of dat te doen; hy het gemaak dat my wekker nie afgaan nie, toe verslaap ek; hy het in die klankstelsel by die kerk ingevaar; hy het my kar laat breek oppad na n goeie geleenteid toe.

Mmmm soms wonder ek darem maklik om iemand die skuld te gee vir my eie swakhede, of wanneer ek dinge nalaat, ens. Karre breek maar, weet jy? Klankstelstels ook die goed raak oud, en kan onklaar raak op ongelee tye. En verslaap? Party mense verslaap gereeld in die naam van die bose. Sonde? Nee, as ek besluit om sonde te doen, kan ek dit nie eers voor sy deur gaan le nie. Dis n keuse. Die feit dat sonde so aan ons vaskleef, is ons eie keuse.

Openbaring 12:7-9 Daar het toe oorlog gekom in die hemel: Migael en sy engele moes oorlog voer teen die draak. Die draak en sy engele het oorlog gevoer, maar hulle is verslaan. In die hemel was daar geen spoor meer van hulle te vind nie, want die groot draak, die slang van ouds, wat die duiwel en die Satan genoem word en wat die hele wereld verlei, is uit die hemel uit gegooi. Hy is op die aarde gegooi en sy engele saam met hom.

2 Petrus 2:4 God het selfs die engele wat gesondig het, nie gespaar nie. Hy het hulle in die hel gestort en hulle laat boei om in die duisternis gevange gehou te word vir die oordeel.

Sien, dis laaankal wat hierdie ou met sy streke besig is. Hy was n engel ... van alle dinge! In die hemel begin hy met sy truuks, en verloor sy hemelse tuiste. Onthou, Jesus was nog altyd daar - alles is deur Hom en vir Hom geskep. Toe Satan die stryd verloor, het hy verseker nie vir hom n pizza-oond gaan bou om hom en sy vriende warm te broei nie. Nee, TOE breek daar oorlog uit. Selfs ook toe Jesus op aarde met sy openbare bediening begin, was Satan heel eerste by.

Mattheus 4:1-11 Toe is Jesus deur die Gees die woestyn in gelei om deur die duiwel versoek te word. Veertig dae en veertig nagte het Hy niks geeet nie en naderhand het Hy honger geword. Die versoeker het toe gekom en vir Hom gese: As U die Seun van God is, se hierdie klippe moet brood word. Maar Hy antwoord: Daar staan geskrywe: 'n Mens leef nie net van brood nie maar van elke woord wat uit die mond van God kom.

Daarna neem die duiwel Hom na die heilige stad toe en laat Hom op die hoogste punt van die tempel staan en se vir Hom: As U die Seun van God is, spring af! Daar staan mos geskrywe: Hy sal sy engele oor jou opdrag gee en: Op hulle hande sal hulle jou dra, sodat jy nie jou voet teen 'n klip sal stamp nie. Jesus se vir hom: Daar staan ook geskrywe: Jy mag die Here jou God nie op die proef stel nie.