@oubaas | ||
WAAR WOON DIE LIEFDE? 8 Julie 2009 Waar woon die liefde? Wat is liefde? Hoe kan dit beskryf word? Kan jy daaraan raak? Kan jy die liefde sien? Ruik? Hoor? Liefde n wonderlike ding. Almal praat daarvan. Smag daarna. Hunker daarna. Baie flieks word daaroor gemaak. Mmm klink so lekker op die tong. Die liefde. Maar, waar is dit? Loop jy in n vertrek by jou huis in - dis nie daar nie. Ry jy in die straat - dit ontbreek ook daar. Selfs langs die stille rivierstroom, daar is niks liefde te vind nie. |
||
26
Replies
2753
Views
0 Bookmarks
|
Page #: 1/4 |
@oubaas | 10 July 09 | |
Klim jy op die hoogste berg en kyk na benede, sien jy niks liefde nie. In die mooiste natuurskoon, waar n sagte briesie waai, en die heerlikste aroma amper tasbaar is, daar is ook niks liefde nie. Klim in n vliegtuig en kyk verby die aarde se rondings - dis ook liefdeloos. Tuur met n teleskoop in die buitenste ruimte in, sien die planete se pragtige ringe, die mees kleurvolle gasstapels wat miljoen ligjare toring - jy soek verniet hier na liefde.
|
||
@oubaas | 10 July 09 | |
Ja, selfs in die mikroskopiese organismes wat volmaak georganiseer is, is daar niks, heeltemal niks liefde nie. Die liefde kruip nie in n stoorkamer weg nie, le nie in die woorde van boeke opgesluit nie, nie in die prag van goud en edelgesteentes nie. Dit lyk my die liefde het n manier om sy lyf skaars te hou as jy op die verkeerde plek kyk. Steek iemand dit dan weg? Kry jy daarvan in n vinnige motor? Is dit miskien verborge in n banknoot?
|
||
@oubaas | 10 July 09 | |
Of kan jy dalk selfs bietjie daarvan koop met jou kredietkaart? Waar op aarde is die liefde??
|
||
@oubaas | 10 July 09 | |
1 Korintiers 13 Nou wys ek julle wat nog die allerbeste is: Al praat ek die tale van mense en engele, maar ek het geen liefde nie, het ek 'n stuk klinkende metaal, 'n galmende simbaal geword. Al het ek die gawe van profesie en ken ek al die geheimenisse en besit ek al die kennis, en al het ek al die geloof om berge te versit, maar ek het geen liefde nie, dan is ek niks.
|
||
@oubaas | 10 July 09 | |
Al deel ek al wat ek het aan ander uit, en al gee ek my liggaam prys om my daarop te kan beroem, maar ek het geen liefde nie, baat dit my niks. Die liefde is geduldig, die liefde is vriendelik; dit is nie afgunstig nie, is nie grootpraterig nie, is nie verwaand nie. Dit handel nie onwelvoeglik nie, soek nie sy eie belang nie, is nie liggeraak nie, hou nie boek van die kwaad nie. Dit verbly hom nie oor onreg nie, maar verheug hom oor die waarheid.
|
||
@oubaas | 10 July 09 | |
Dit bedek alles, glo alles, hoop alles, verdra alles. Die liefde vergaan nooit nie, maar die gawe van profesie sal verdwyn, die gawe om ongewone tale en klanke te gebruik, sal ophou, en die van kennis sal uitgedien raak. Want ons ken maar gedeeltelik, en ons profeteer maar gedeeltelik, maar wanneer die volledige kom, sal wat gedeeltelik is, uitgedien wees. Toe ek 'n kind was, het ek gepraat soos 'n kind, gedink soos 'n kind, geredeneer soos 'n kind.
|
||
@oubaas | 10 July 09 | |
Maar noudat ek 'n man is, is ek klaar met die dinge van 'n kind. Nou kyk ons nog in 'n dowwe spieel en sien 'n raaiselagtige beeld, maar eendag sal ons alles sien soos dit werklik is. Nou ken ek net gedeeltelik, maar eendag sal ek ten volle ken soos God my ten volle ken. En nou: geloof, hoop en liefde bly, hierdie drie. En die grootste hiervan is die liefde!
|
||
@oubaas | 10 July 09 | |
Wow, een van die mooiste gedeeltes in die Bybel. Die Bybel God se liefdesbrief aan jou en my. En die grootste hiervan is die LIEFDE!
|
||
HEUNING Forum
Bookmarks
HEUNING