Page #: 133/133 |
@z_haidar | 7 November 13 | |
Nazm uljhi hui hai Nazam uljhii hui hai seene mein misre atke hue hain hothon par Udte-phirte hain titliyon ki tarah lafz kaagaz pe baith-te hi nahii Kabse baitha hua hoon main jaanam saade kaagaz pe likhke naam tera bas tera naam hi mukammal hai isse behtar bhi nazm kya hogi |
||
@z_haidar | 27 November 13 | |
Teray khayal, Teray khuwab Aur teri mohabbat Teray khayal, Teray khuwab Aur teri mohabbat, Zuban pay ghazal, Hathon main kitab Aur teri mohabbat Gumnam alfaz, Talkh sawalaat, benaam tehrirain, Adhoray jawabat, Aur teri mohabbat Thandi sehar, sard hawain Urhtay badal, taiz ghtain Aur teri mohabbat Halki dhoop, sohana mosam Bheegay pair, shafaf aasman Aur teri mohabbat Teri baatain, tanha raatain Kabhi hijr, kabhi mulaqatain Aur teri mohabbat Dar o baam, dhalti sham Kitab qalam, tera naam Aur teri mohabbat Phool titli, bhaag o bahaar Gaata darya, jhoomti lehrain Aur teri mohabbat Chamakta chand, jagmag taaray Awara jugnu, bheeghi shabnam Aur teri mohabbat Jaltay chiragh, urhta dhuaan Tera intizar, wasl ka samaan Aur teri mohabbat Chupta suraj, halki barsaat Dhanak k rang, tera saath Aur teri mohabbat Sarhaanay takya, bikhra bistar Bechain karwatain, raat ka pehar Aur teri mohabbat. _________________ |
||
@z_haidar | 27 November 13 | |
Hum Dasht-E-Junuun K Sodae Hum Dasht-E-Junuun K Sodae Hum Gard-E-Safar Hum Naqsh-E-Kadam Hum Soz-E Talab Hum Tarz E Fugaa'n Hum Ranj-E-Chaman Hum Fasl-E-Khizaa'n Hum Hairat-O-Hasrat Yaas-O-Alam Hum Dasht-E-Junuun K Sodae Ye Dasht-E-Junuun Ye Pagal Pan Ye Pecha Kerti Ruswae Ye Ranj-O-Alam Ye Huzn-O-Malaal Ye Nala-E-Shab Ye Soz-E-Kamaal Dil Mein Kahein Benaam Chuban Aur Hadd-E-Nazar Tak Tanhai Hum Dasht-E-Junuun K Sodae Ab Jaan Humari Chotay Bhi Ya Dasht-E-Junuun Hi Thak Jaye Jo Roh-O-Badan Ka Rishta Tha Kaie Saal Hoye Wo Toot Gaya Ab Dil Ka Dharakna Ruk Jaye Ab Saans Ki Dori Tootay Bhi Hum Dasht-E-Junuun K Sodae _________________ |
||
@z_haidar | 9 January 14 | |
Mujhay Abhi jeena hai * Khudkash Mujhay mut maar Mujhay Abhi jeena hai Zeher hai zindagi Who to pehlay say Tay hai Main janta hun Zeher yeh peena hai Mujhay Abhi jeena hai Doodh bakhsh sakay gi teri maan tujh ko kitni maon ki god say masoom lakht-e-jigar jo ankh khol na paya tha maan ka lafz bol na paya tha Tu nay cheena hai Mujhay Abhi jeena hai Sar pay khak dalay Ujri si yeh larki Is ki maan isay Dulhan banana nikli thi Is ka jora lanay nikli thi Tu nay usko ura diya Manon mitti gara diya Aj yeh hazeena hai Mujhay Abhi jeena hai Aray beghairat soch Us aulaad ka dukh Kay jis ki chat Shafeeq sa baap Qatl kia tu nay Kamanay nikla tha Kharch ghar ka chalanay nikla tha Khoon uska kia paseena hai Mujhay Abhi jeena hai Yeh jo mulla tujhay parhata hai Kabhi pooch is say Aik belt bandh kay Kyun naheen khud ko Yeh urata hai Nafratain bechta hai Jahanum kamata hai Kaisa yeh Not Allowed hai Mujhay Abhi jeena hai _________________ |
||
UrdUMaG Forum
Bookmarks
UrdUMaG