Shahon ki trah thy na ameron ki trah thy,

Ham shehr-e-mohabt k faqeeron ki trah thy.

Daryaon men hoty the jazeron ki trah hm,

Sehraon men pani k zakheron ki trah thy.

Afsos keh samjha na hamein ehl-e-nazr ne,

Ham waqt ki zanmbeel men heron ki trah thy.

Gham bana youn zanjeer ana ki!

Aazad bi the ham to aseeron ki trah thy.

Hairat he k wo log b ab chhor chaly hen,

Jo meri hatheli pe lakeron ki trah thy.

Sochi na buri soch kbi un k liye bi,

Pevast mery dil men jo teeron ki trah thy.

Wo shair mery aj mera jurm bany hain,

Kal tk jo mohabt k saferoon ki trah thy...!