Shaadi ke liay doston, larkiyan hazaaron hain
Har khirki mein hai larki, aur khirkiyan hazaron hain
*
Koi to mile gi larki khaandan mein humein
Phuppiyan hain beshumar, chachiyaan hazaaron hain
*
Likha jo tum ne Love Letter to kiya hua janab
Humari draaz mein is jaisi, chithiyaan hazaaron hain
*
Aik tumhi nahi akaili, mere jaal mein phansney wali
Is jaal mein tum jaisi, machliyaan hazaaron hain
*
Diay thay pehle bhi Ishq ke imtehaan bohat
Hathon mein is baar bhi, parchiyaan hazaron hain
*
Wo Parwaney nahin jo Shama pe mar jaayen gay
Hamare ghar mein pehle hi, battiyaan hazaron hain
*
Aik ur gayi haath se to kiya ghazab hua
Jaante hain is baagh mein titliyaan hazaaron hain

lin