Aye matwalo naaqon walo dete ho kuch us ka pata
najad k ander majnoo naami aik hamara bhai tha
aakhir us per kia beeti, jano tou ehwaal kaho
moat mili ya laila paayi? deewane ka maa'al kaho
aql ki baten kehne wale doston ne usey samjhaya
us ko tou lekin chup si lagi thi , na bola na baaz aya
khair ab us ki baat ko choro...dewaana phir deewana
jate jate hum logon ka aik sandesa le jana
Aawara Aawara phirna chor k mundli yaaron ki
dekh rahe hain dekhne wale Insha* ka ab haal wohi
kia achaa khush baash jawan tha jane kiun beemaar hua
ut'thtey baith'tey Meer* ki baitain parhna us ka shuaar hua
tour tareeqa ukhraa ukhraa chehra peela sakht malool
raah main jese khaak pe koi masla masla baagh ka phool
shaam sawerey baal bikherey betha betha rota hai
naqon walo ! in logon ka Aalam kaisa hota hai
apna bhi wo dost tha hum bhi paas us k baith aate hain
idher udher k qissey keh k jee us ka behlaate hain
ukhri ukhri baat karey hai bhool k agla yaraana
'Kon ho tum 'kis kaam se aaye ho ? hum ne na tum ko pehchana
jane ye kis ne chout lagayi ,jane ye kis ko piyaar karey
tumhi kaho hum kis ko dhoonden,aahain khenchey naam na lay
peet main aise jaan se yaro kitne log guzerte hain
peet main na haq merr nahin jatey,peet tou saare kerte hain
Aye matwalo! naqo walo! nagri nagri jaatey ho
kahin jo us ki jaan ka bairi mil jaye ,ye baat kaho
chaak gereibaan ik deewana phirta hai hairaan hairaan
patther se serr phorr marega ,deewane ko saber kahan
'tum chaho tou basti c y tum chaho tou dasht basaye
tum chaho tou kuch din jee ley daaman see ley hosh main aaye'
Aye matwalo naqon walo....werna ik din ye hoga
tum logon se aatey jaatey poochainge Insha* ka pata