Chal So Chal
by: Ibn e Insha
__
jis din ki reh daikhi Insha itne barsoon aaj aur kal
wo din aaya beet gaya mun phir bhi raha bojhal bojhal
phaagan aay sawan aay is dharti ka haal wohi
gadla anbr, ujri khaiti, phulwaari main phool na phal
kis ko batain mun main humarey maat k ghaao kaise hain
aaj k ik duniya ki nazar main aik humain hum hain pagal
toota sahas dhundhli beeta rait k todey gaam bagaam
waqt ka kora sar sar sar sar cheekh raha hay chal so chal
*
Aaj to apni aik dagar hay apney sabhi yaaroon sey juda
apna jahan apna hi jahan hay ya jaado ka gung mehel
is rut main tu aur bhi ujri lagti hay mun ki bagiya
kumlaay sabhi gull botey aasha ki lata nainoon k kam'l
baagh nay kitni kaliyaan khoeen basti tak pohanchi khushbo
aankh sey kitne neer bahey hain daman tak pohancha kajal
aq'l nay soda aur kia hay ghataa khaa aur moul ganwa
banjaare is raah ko chor, ay banjaarey is painth na chal
yaani is bazaar main dill ko ik unti main baich diya
is Yousuf k dill ko chahat honi thi is tour saphal
sheh'r-e junoo.n sey dasht-e junoon tak kitni musafat thi Insha
Aik humain lout aay hain warna yaar gai sab door nikal..