Lagtaa nahin hai dil meraa ujday dayaar mein
kis ki bani hai aalam-e-naa_ paayedaar mein
.
kah do in hasraton se kahin aur jaa basein
itni jagah kahaan hai dil-e -daagdaar mein
.
umr-e- daraaz maang kar laaye they chaar din
do arzoo mein kaT gaye do intezaar mein
.
kitnaa hai bad_naseeb Zafar dafn key liye
do gaz zamin bhi na mili kuu-e -yaar mein

khulta nahin hai hal kisi par kahe bagair
par dil ki jan lete hain dilbar kahe bagair
.
main kyunkar kahun tum ao k dil ki
kashish se wo ayenge daure ap mere ghar kahe bagair
.
kya tab kya majal hamari k bosa len
lab ko tumhare lab se milkar kahe bagair
.
bedard tu sune na sune lek dard-e -dil
rahta nahin hai ashiq-e -muztar kahe bagair
.
taqdir k siwa nahin milta kahin se bhi
dilawata ai ?Zafar? hai muqaddar kahe bagair

bat karni mujhe mushkil
kabhi aisi to na thi
jaisi ab hai teri mahfil kabhi aisi to na thi,

le gaya chin k kaun aaj tera
sabr-o-qarar beqarari tujhe ai dil kabhi aisi
to na thi,

chashm-e-qatil meri dushman thi hamesha lekin
jaise ab ho gai qatil kabhi aisi to na thi,

un ki ankhon ne Khuda jane kiya kya jadu
k tabiyat meri mael kabhi aisi to na thi,

aks-e-ruKh-e-yar ne kis se hai tujhe chamkaya
tab tujh mein mah-e-kamil kabhi aisi to na thi,

kya sabab tu jo bigarta hai
Zafar se har bar
khu teri hur-e-shamail kabhi aisi to na thi.

wah wah...

umar daraz laye the ...maang ke char din

do aarzo me kat gaye do intzar me



...bahot hi umdah sher bhai

waise puri ghazal umdah hai

bahot badhy poetry hai....jaise hi bahadur shah zafar ka naam dekha waise hi mere dimag me yahi sher aaya...

umre daraz mang kar laye the char din
do aarzu m kat gai do intezar me...

bahot badhy sher hai...

bhai zafar ki har gazal umda hai.

tum na aye ek din ka wada kar do din talak
ham pare tadpa kiye do do pahar do din talak
.
dard-e -dil apna sunta hun kabhi jo ek din
rahta hai us naznin ko dard-e- sar do din talak
.
dekhte hain khwab mein jis din kisi ki chashm-e- mast
rahte hain ham do jahan se bekhabar do din talak
.
gar yaqin ho ye hamein ayega tu do din k bad
to jiyen ham aur is ummid par do
din talak
.
kya sabab kya wasta kya kam tha batlaiye
ghar se jo nikle na apne tum Zafar do din talak

kije na das mein baith kar apas ki bat chit
pohnchegi das hazar jagah das ki bat chit
.
kab tak rahen khamosh k zahir se ap ki
ham ne bahut suni kas-o -nakas ki bat chit
.
muddat k bad hazrat-e -naseh karam kiya
farmaye mizaj-e -muqaddas ki bat chit
.
par tark-e- ishq k liye izhar kuch na ho
main kya karun nahin ye mere bas ki bat chit
.
kya yad a gaya hai Zafar panja-e-nigar
kuch ho rahi hai band-o -mukhmmas ki bat chit

yar tha gulzar tha bad-e -saba thi main na tha
layaq- e-pa- bos-e-jan kya hina thi main na tha
.
hath kyon bandhe mere chala agar chori hua
ye sarapa shokhi-e- rang-e- hina thi main na tha
.
main ne pucha kya hua wo ap ka husn-o -shabab
hans k bola wo sanam shan-e-Khuda thi main na tha
.
main sisakta rah gaya aur mar gaye farahad-o -qais
kya unhin donon k hisse mein qaza thi main na tha