Koo ba koo phail gai baat shanasaee ki

Us ny khushboo ki trha meri pazeeraai ki

kesay keh doon k mujhay chorh diya hay us nay

Baat tho such hay magar baat hay ruswaai ki

Wo kahi b gaya lota tho meray paas aya

Bus yehi baat hay achi meray harjaaie ki

Tera pehloo teray dil ki tarha aabad rahay

tuj pay guzray na qayamat shab-e-tanhai ki

Us nay jalti hui peshaani pay jab hath rakha

Rooh tak aa gai taaseer maseehaaie ki

Ab b barsaat ki raaton may badan toot'ta hay

Jaag uth'ti hain ajab khwaahesen angrhaie ki