Page #: 2/5 |
@zeeenat | 26 March 10 | |
Mera ye khat meri Maa ke naam....... Mujhe malum he aap un sitaro me ho, sab kaise jhilmila rahe hain. unme se jo sabse jyada chamak raha he. aap wahi ho. Janti ho, mene kal apko sapne me dekha. Wesi he khubsurat, muskarati hui, ankho me chamak chehre par mamta apko malum? main apko kitna miss karti hu. Apko yad he? ham hamesha victoria memorial jate thay.!!! waha ham sham ko ek ped k niche betha karte thay.!!! us ped me 4 pankhuri wale safed phool thay.!!! pichle mahine main wahan gayi thi. dekha, uske saare phool jhad gaye thay. usme patte bhi kam ho gaye thay. apko to malum he hoga ki us din... main us ped ke niche baith kar kitna royi thi. wo to ek family waha se gujar rhi thi. unhone mujhse rone ki wajah poochi. jab maine unko sab bataya to unki ankho me ansoo aa gaye. janti ho aunty ne kya kaha? unhone kaha- beti aaj se main teri maa hu. tujhe jab bhi maa ki yad aaye mujhse baat kar lena ya mere ghar chali aana. mene unko bataya ki mera religion apse alag he? to wo boli tum insaan to ho na... mere liye yahi kaafi he.. aur tu udas mat ho beti. tu aaj aayi yahan par, dekhna ek mahine me isme patte aur phool aa jayenge. main ek mahine tak intazar karti rahi. kai bar us aunty se baat hui. last sunday ko me waha gayi thi. janti ho mene waha kya dekha? wo ped phool aur pattiyo se bhara tha. pahle se jyada khubsurat. uske niche kuch bachche khel rahe thay. mujhe itna achha laga ki kya batau.. mene us ped ke najdik jaakar, unki patti aur phoolo ko chhuwa. mujhe ehsaas hua ki tum wahin ho. main us ped k niche let gayi. ankhe band kar li aisa laga ki main apki godi me leti hu. jab hawaye mere baalo ko chhu kar nikal rahi thi us samay aisa laga ki aap mere sir par apne hatho ko fer rahi ho. ichcha ho rhi thi ki waqt yahin tham jaye aur main aisi he leti rahu. par waqt kiske liye rukta he.? mere liye bhi nhi ruka. 6 bajte he darwan ne sabko wahan se bahar kar diya. main apki yado ko apne dil me samet kar wapas aa gayi. arey ghar nhi,, apko to malum he main wahan nhi ja sakti. meri wo frnd he na suzana jise aap pyar se suzi kahti thi !!!! me wahin par rahti hoon. agar apko mere khat ka jawab dena ho to suzi ke address par dena. mujhe mil jayega. achha abhi mera nahane ka time ho gaya bahut saari baate karni he apse. fir chitthi likhungi. apke jawab ke intazar me, apki zee bitiya :-) |
||
@rashid18 | 26 March 10 | |
zee |
||
@sajan000 | 26 March 10 | |
zeee zee apko malum hai me jst crying wen i read ur letter. zee ur m0m is always wid u so dnt al0ne.
|
||
@zeeenat | 26 March 10 | |
dont cry frnds,, ye to ek chhoti si jhalak thi... mene to poori picture face ki he.
|
||
@sajan000 | 26 March 10 | |
zee pls dnt cry nd never feel l0nely nd whn u need of me s0o tell me im alwys be there 4 u ma dear frnd.
|
||
@zeeenat | 12 July 11 | |
ek letter kisi ajnabi ke naam- bheed mein ek ajanabi ka saamna achchha laga sabase chhupakar wo kisi ka dekhna achchha laga suramaai aankhon ke neeche phool se khilne lage kahate kahate kuch kisi ka sochna achchha laga dil mein kitne ahad baandhe the bhulaane ke liye wo mila to sab iraade todna achchha laga dushman-e-jaan hai par main bura kaise kahu jab bhi aaya saamane wo bewafa achchha laga -Zee |
||
@zeeenat | 12 July 11 | |
O mujhse duurr jaane wale ek khat mere naam likhna haal-e-dil tamaam likhna likhna ki mizaaz kaisa he apka aur dher sara pyar likhna beeti hui shab ki baat likhna gujri hui har subah quaynaat likhna likhna ki mere bagair din kaisa gujra aapka aur thoda lafz-e-qaraar likhna shamm-e-tanha kaisi guzri likhna har ghadi har pal ummeed-e-sehar iska hai likhna likhna ki intazaar-e-alam kaisa raha aur pyar bhara ek salaam likhna tanha chand ki khayalaat likhna dost-e-judayi ki halat likhna likhna ki khwaab-e-tamanna kiski he apko aur in sawalo k jawaab me mera naam likhna. -Zee |
||
@vicky12 | 12 July 11 | |
zeeee tu hamesha sad letter he kyu likhti he???
|
||
MastGupShup Forum
Bookmarks
MastGupShup